Commentaires

Bonjour ,

jé viens d'envouèye les contes promis à ceuses qui mm'ont mins un commentaire la s'maène ci à l'occâsion dé mes mille vistes sue mon blog!

Pourqua mette des commentaires, est l'occasion d'apprende des nouviaoues mots, jé n'tons pâs des vouésings, et même si élla était, j'avons des différences dé vocabulaire. Maî jé sé bin hétante dé vos commentaires , j'ai déjà apprins pâs mal dé mots qué jé n'c'neussâes pâs.

Merci au Monsieur qui m'a fait eune pétite rémarque au sujet d'mon " chapiaoue" , est tout à fait vra qué j'disions " chapiaoue" pour lé chapiaoue " habillé ", mais on disait un chapet d'soula, jé cré qué l'chapet té pue tôt pour lé chapet du tout les joues! ( j'espère qu'i va v'ni un p'tit par illé!)

Côr d'aoutes chaouses , si vez aoussi  un blog, donnez ma les adresses, j'les mettrais en lien sue l'mien. Jé cré qué quand on fait tchioc chaouse du genre est pour lé faire sava!

A la perchaène et bonne réciée!    Fleur de Ble noir

Comments

[Quercus]

A propos de vot chapè, céz nous, chapiaos est le pluriel de chapè. Comme coutiaos pour coutè ou martiaos pour martè. Pour en savair un ptit pu long, pâsser me vaer. Et merci pour le conte, j'on ben du pllézir à vous lére.
A la r'verie.

[tintinos]

http://gallo-es-ecole.net/contes

y'a à lire et à ecouteu

ella mérite bien un p'tit lian sur ton site.

A la perchenn

Tintinos