Canalblog
Editer l'article Suivre ce blog Administration + Créer mon blog
Publicité
Et si on caousait Gallo
Publicité
Et si on caousait Gallo
Archives
Derniers commentaires
Et si on caousait Gallo
17 mai 2011

Qheule nétée ! No 29 F et T.

Qheule nétée !
-   Ca va t’i bin ané , ma p’tite Torine, jé t’trouve lâssée ?
-   Pâs d’trop , jé sé moulue, j’ai pâssé eune sacré nétée !
-   Qhic t’as z’euie don ?
-   Il tait pue d’méné , jé n’dormâes pâs côr !
-   Qhoc chaouse té tabutait vantiée ?
-   Pâs côr eun bring, jé songe qué j’mangis qhoc chaouse hiêr au sa qu’a z’euie du ma à pâsser !
-   T’avâs rin pour digérer ?
-   Oh ! Mée sia ! jé m’sé l’vée et j’ai prins eun cachet, en pensant qué çà arait té d’même !
-   Et pis ?
-   A deux heures jé n’dormâes tourjou pâs, jé n’voulâes pourtant pâs prende eun aout’ cachet, mée pour dormi c’ti la, j’l’ai fait tout comm’.
-   Etait eun p’tit tard , tu n’cré pâs ?
-   Sia, vantiée, mais jé m’sé endormie, et tout d’un coup, j’ai senti eun bonhomme drêre ma, jé m’sé minze à coure, et j’sentâes l’bonhomme s’apercher d’pue en pue, jé l’ouèyâes souffler comme eun beu, jé t’dis qué j’couétâes bin !
-   Tu n’avâs pâs ma es qhettes,
-   Ah, nân’ni, jé m’sé arrêtée jusse dévant eun précipice, i m’sieuvait tout l’temps ! jé m’sé r’minse à coure et lu drêre ma, jé r’vénâes tourjou au maoudit précipice ; A eun moment j’ai deuie hucher, j’ai ouit mon bonhomme qui m’disait : « Qhic qui t’arrive don ? »
-   J’ai voulu m’révouèyer, jé li ai répondu, mée jé sé aoussitôt ertournée dans ma course, j’té dis , j’ai raoder toute la nétée !
-   J’comprends mieue astoure pourqua qu’t’es moulue !
-   Sue l’mating, j’ai deue m’calmer, et la j’ai dormi tout mon saoue dica 9 houres, jé t’dis qu’çà fait du bien !
-   Allez ! çà va mieue aller at’sa !

Pour s’y r’c’neute !:
jé sé moulue = je suis harassée
té tabutait = te tracassait
souffler comme eun beu = souffler comme un bœuf
j’couétâes bin = je courais bien
ma es qhettes = mal aux jambes
j’ai deuie hucher = j’ai du crier
j’ai raoder = j’ai cauchemardé

Publicité
Publicité
Commentaires
F
I n'faout pâs chercher illé les derniers N0s de Fifine, j'les mets bin aprée lous parutions.<br /> J'té envouèye c'qu'tu m'as d'mandé<br /> A la r'vouèyuere FDBN
Répondre
P
vantié ben que j'serions mirô, mé je n'véillons point la dailée qu'tu nous âs lueu l'août jeudi à saint beurieu ... é en rapport ô la peurmieur dam' de France qui promettreu à c'qui paré.<br /> Voudrais-tu ben m'l'enveilleu par Eumile ?<br /> En t'eurmersiant.<br /> Pôl
Répondre
Publicité