Joue d'Pâques
Ané , est l’jou d’avant Pâques s’pâs !
Les chantoues d’pâssions ,( j’en ai caousé l’année derniêre !) , si y a côr dans qhocs pouèye , dévreint chanter l’Allélouia !
Jé n’vâes pâs vous l’chanter vu qué jé né l’ c’neue pâs . Pourtant l’année derniêre deues amins du net m’avaint fait c’neute lou version( j’les z’en r’mercie bin !.)
J’ai dans l’choucho deues versions d’mon éfance ; Si vous c’neussez l’air dé l’allélouia d’l’église , j’vous engaège à chanter les paroles qui vont sieudent. Jé n’les invente pâs , i dèvent côr ête dans la tête des garçâilles dé mon âge !
- Jé eun p’tit co dans mon panier
Qui n’a encor jamée chanté
Demain matin , il chantera
Allélouia !
Refrain : Allélouia, allélouia, allélouia !
Ou côr :
- Allélouia pour Jean Gouya
Quand i s’ra môrt on l’enterr’ra
Dans l’cim’tiêre dé Plédélia
Allélouia !
Refrain : Allélouia, allélouia, allélouia !
Si vous n’n’ez d’aoutes, pourqua pâs partager o nous ???,!
Bon Week End Pascal |