Les chantoues d'Pâssion
Jé z’euie biaoue chercher sue « l’almanach du facteur, j’ai jamais peuie trouvé lé joue d’la Pâssion !
Bin nous v’la en pleine fêtes dé Pâques, tout lla a bin changé, vous n’trouvez pâs ?
Quand j’avions 4, 5 ans vâs pue, quand était la sérée d’avant la passion, nos parents en soupant sé d’mandaient combin d’fâs i z’araient été réveillé dans la nétée.( Pasqué c’té la mode d’aller chanter la passion es portes du monde alentours et en rémerciements lé monde lous donnaient dz’oeues. Ma aussi, j’aimâs bin les oui chanter, surtout l’Robert qui v’nait do sa pouche , c’tait bin pue biau qu’les autes qui n’en avaient point)
_<< surement qu’on va en avas deux ou 3 souatiés, j’allons surement ava Robert do ses copains, ieux d’la tourelle et aussi ieux d’la gesre !
_oh , j’aras ben assez d’Robert , on va t’i avas assez d’œuf pour toues ?(Pas qu’i faut sava qué si n’taient pas contents dé s’qu’on lou donnait , la chanson dé r’merciements té putôt gratinée.
Dans la nétée, v’la du bru et i commençaient a chanter ; j’é n’men rappelle pas d’tout , mais ça commençait souvent :<< Nous sommes venus dans …….>> Et quand i avaient expliqué s’qu’i l’taient v’nus faire, i d’mandaient :<< Chantrons-je ?>>
Si lé monde disaient oui, i chantaient la passion toute entière , en même temps qu’les parents s’habillaient, quand i avaient fini , i cognaient des coups dans la porte si ieux qu’étaient dans l’hoté n’ouvraient pas vite assez ; quand i l’taient rentrés bin sur i buvaient tiocs moques dé cit’ , un grog, un flip ou un mic do la rouspinette ou une bocalée (des roupettes à tchieues souvant) ; et c’té comme ça dans chaque maison, j’vous dis pâs dans tieule état qui d’vaient ête nos chantoux d’passion !
Not’ monde lous donnaint eune démi douzaine d’oeues, sieuvant c’qui z’avaint, mais i z’avaint tout prévu, pour né pâs pâsser pour des rapiats !
Quand les chantoues d’Pâssions avaint fini i z’allaient cez iun d’ieux et s’faisaint eune bonne fricassée d’oeues, i fallait au moins l’la, pour caller lous pacos, imbiber dé c’qui z’avaint beuie dans la nétée !.
Asteure, si tchiocs monde qu’ araint leuie mon p’tit parchâe, et qui c’neussent les paroles dé la chanson d’la Pâssion, pourrez vous m’les donner, i suffit d’mette un p’tit mot dans les commentaires et j’vous r’contact aprée.
Jé sais qu’o commençait d’Même :
La passion du doux Jésus o mon dieu quelle est grande !
Si vous saviez comme elle est grande vous feriez pénitence……..
Un aute pâssaège :
Il a jeûner quarante nuit, quarante nuits ensemble !
Un peu de pain, un peu de vin , une pomme d’orange !……..Etc…….
Un grand merci, a la personne qui me répondra !
Amitiés à toues Fleur de Blé Noir